Hvað er I.W.W.?

I.W.W. er skammstöfun fyrir alþjóðlega verkalýðsfélagið Industrial Workers of the World (meðlimir eru stundum kallaðir „Wobblies“), lýðræðislegt, almennt verkalýðsfélag staðráðið í valdeflingu verkafólks innan vinnustaða.

I.W.W. er rekið af félagsmönnum en ekki af launuðu starfsfólki eða verkalýðsforingjum. Félagið hefur aðeins einn starfsmann á fullum launum, það er aðalritara-gjaldkeri félagsins. Allir aðrir fulltrúar eru kosnir einu sinni á ári af öllum félagsmönnum. Það er enginn sem gerir verkalýðsbaráttuna að ævistarfi sínu innan I.W.W.

Svæðisbundnar deildir kjósa sína eigin fulltrúa og hafa algera stjórn yfir sínum eigin málefnum, svo framarlega sem deildin fylgir stjórnarskrá I.W.W. Engir aðrir geta sagt fyrir um hvenær á að fara í verkfall, ljúka verkfalli, eða grípa til nokkurra annarra aðgerða á vinnustað.

Skipulagning er ferli sem virkjar hóp fólks til að öðlast vald yfir ákveð- num atriðum í lífi sínu – í vinnunni eða í samfélaginu. Innan I.W.W. einbeitum við okkur að skipulagningu samverkamanna okkar innan vinnustaða – þar sem við, sem verkafólk, búum yfir samtakamætti til að ná fram kröfum okkar.

Oft er litið á skipulagningu sem hlutverk leiðtoga sem selja verkafólki þjónustu sína sem fulltrúar þeirra. Langir lagabálkar og gífurlegt skrifræði er til staðar til að viðhalda þeirri hugmynd. En það er ekki þannig sem við skipuleggjum okkur. Það er stefna I.W.W. að hópar verkafólks geti byggt upp sterk félög og notað þau til að ná fram þeim kjarabótum og breytingum sem fólk sækist eftir.